Në edukimin e fëmijëve në kopshtin “Flatrat e dijes” synimi është:
- Edukimi dhe formimi i individit të lirë, të përgjegjshëm dhe pjesëmarrës në jetën shoqërore.
- Pervetësimi i aftësive komunikuese, shprehëse dhe vepruese. Zhvillimi i aftësive psikomotore, njohëse, emocionale, shoqërore dhe morale.
- Respektimi i barazisë së shanseve për të gjithë fëmijët.
DISA TIPARE KARAKTERISTIKE TE
KOPSHTIT “FLATRAT E DIJES”
- Kopshti është i hapur ndaj familjes, në mjediset e tij mësimore e pushuese gjen përditë prindër që vëzhgojnë, bisedojnë e bashkëpunojnë me edukatoret e vetë fëmijët. Marrdhënie bashkëpunimi realizohen në vijimësi edhe me shkollat tona, me bibliotekat e tyre e sidomos me bibliotekën e qytetit.
- “Flatrat e dijes” e konsiderojnë kopshtin si vendin e parë dhe më të rëndësishëm ku zë fill proçesi i integrimit social i fëmijëve. Ndaj ne i japim rëndësi situatave të pasura të komunikimit të fëmijëve me njeri-tjetrin dhe me të rriturit, që ata të kuptojnë gjithnjë e më mirë gjuhën e folur dhe të zhvillojnë aftësitë e veta shumëplanëshe.Lojërat, si një ndër veprimtaritë më të rëndësishme për realizimin e qëllimeve dhe objektivave të zhvillimit të fëmijëve, kanë përparësi tek ne.
- Veprimtaria edukative e kopshtit u përgjigjet nevojave fiziologjike, emocionale dhe intelektuale të fëmijës.
- Në kopësht zhvillohen veprimtari të organizuara në mënyrë graduale në përputhje me moshën, deri në veprimtari më të organizuara, që realizohen me fëmijët më të rritur të moshës 5 vjeç.
Të gjithë fëmijët angazhohen me zgjidhjen e detyrave të përballueshme prej tyre, me synimin që të mos frenohen në dëshirën që kanë për të mësuar.
