Nëse aspirata e arsimimit të fëmijëve tuaj ka qenë edhe muzika e arti këtë jua garanton konservatori artistik “Flatrat e dijes”

Konservatori artistik “Flatrat e dijes” është filial i “Helenic-Conservator”, i themeluar në vitin 1919, me 46 filiale në Francë, Greqi, Qipro dhe prej dy vjetësh edhe në Shqipëri, me partnerin tonë institucional, Konservatorin “Internacional” Vlorë.
Konservatori artistik “Flatrat e dijes”, ofron formim artistik me programe evropiane, në dy departamente:

1. Në departamentin e muzikës, me degën instrument (pjano, violinë, kitarë, fizarmonikë, klarinet, flaut etj) dhe degët dirigjim, kompozicion e kanto.
2. Në departamentin e dansit me degët kërcim-klasik, kërcim-modern dhe kërcim-karakteri popullor.

Formimi muzikor dhe aftësimi si balerin do të bëhet në katër nivele:

1. Niveli fillestar – 2 vjet
2. Niveli inferior – 3 vjet
3. Niveli mesatar – 3 vjet
4. Niveli i lartë – 4 vjet

Ky formim do të realizohet në mjediset moderne të konservatorit tonë si klasa instrumentesh, salla e baletit me parket dhe e veshur me pasqyra, videoprojektor, pjano, foni, sallë koncertesh etj.
Mësimi në departamentin e muzikës dhe dansit ofrohet për të gjitha moshat, duke filluar nga mosha 4 vjeç.
Proçesi muzikor do të organizohet e realizohet nga një staf drejtues e mësues të përbërë me specialistët më të mirë të fushës së artit ne rreth.
Një herë në javë organizohen mësime speciale me pedagogë të Akademisë së Arteve të Bukura dhe Shkollës së Baletit Tiranë, si dhe monitorime nga personalitete të artit shqiptar, si Mjeshtri i Madh Zhani Ciko, baletmaestri Arian Sukniqi dhe baletmaestri doktor-profesor Skënder Selimi, asistent – profesore – pjaniste Rudina Ciko e Kristina Laço, violinisti Bujar Sukja, etj.
Provimet (saxhiot) në fund të çdo viti mësimor organizohen e realizohen nga pedagogë të “Helenic – Conservator” me eksperiencë ndërkombëtare.
Për nxënësit e talentuar konservatori akordon bursa.
Me koncertetet jashtë shtetit përfitimi është i madh.
Në mbyllje të studimeve në Konservatorin artistik “Flatrat e dijes”, diplomimi bëhet nga “Helenic – Conservator” që drejtohet nga artisti i shquar grek, maestro Jorgo Aravidhis, e para diplomë në këtë fushë në vendin tonë, që njihet në gjithë evropën.